Заозерный негізгі мектебінде көктемнің алғашқы мерекесі  8 – наурыз халықаралық әйелдер күніне арналған «Анашым мерекеңмен!» атты   мерекелік концерт ұйымдастырылды. Ұйымдастырылған концертке мектеп оқушылары мен педагогтар  белсене қатысты. Жоғарғы сынып оқушылары өз өнерлерін көрсетіп, аналарына түрлі - түсті шардан жасалынған гүл шоқтарын сыйлады. Мектеп директоры Иримжан Аманжолқызы барлық ақ жаулықты әжелер мен аналарды көктем мерекесімен құттықтады. Мерекеге келген аналар өз ризашылықтарын білдірді.